אגרת ח'רז

ב"ה, כ' כסלו, תש"כ

ברוקלין.

האברך עזרא שי'

שלום וברכה!

אין ענטפער אוף דיין בריף, אין וועלכען דו שרייבסט וועגען דעם לערנען תניא מיט בחורים.

ס'איז א חילוק פאראן, צווישן דער הנהגה, פון דעם ואס לערנט מיט זיי און זיין השתדלות אין דעם, און צווישען דער הנהגה פון די בחורים זעלבסט.

און ס'איז פארשטענדליך, אז די בחורים וואס וועלן האבען א ווילן צו לערנען תניא, וועט מען ח"ו ניט מדחה זיין.

און השם יתברך זאל העלפען, אזוי ווי ס'איז דאך עקבתא דמשיחא ממש, און ווי עס שרייבט דער בעל שם טוב הקדוש אין זיין אגרת הקדש וועלכע איז געדרוקט אין דעם ספר פורת יוסף, מיט העכער הונדערט יאר צוריק, אז ווען איז קאתי מר, מלכא משיחא, לכשיפצו מעינותיך (הבעל שם טוב) חוצה.

זאל דאס געהערט ווערן און דערהערט ווערן כדבעי, און דאס זאל בריינגען א צוגאב אין הפצת המעינות און מקרב זיין די גאולה על ידי משיח צדקנו.

בברכה לבשורות טובות.

בשם כ"ק אדמו"ר שליט"א,

א. קווינט

מזכיר

נ"ב. זיכער האלסט דו אן די שיעורים פון חת"ת (חומש תהלים תניא) הידועים.

נדפסה בקונ' "צדי"ק למלך" א ע' 111.

עזרא שי': שוחאט.