אגרת ב'שסח
כ"ו טבת, תשי"ד · מר ברוך שי' רוזנטל
אין ענטפער אויף אייער בריף פון ד' שמות, אז עס האט זיך ארגאניזירט א קומיטה ארויסגעבען די ווערק פון הרב צבי יוסף שי' מיסקי. און האפענטליך רעדט זיך דא וועגען אזעלכע ספרים וועלכע בריינגען צו התעוררות צו תורה ומצות ביראת שמים, וואס די השתדלות אין פארשפרייטען תורה ברוח ישראל סבא איז שטענדיג אין אלע צייטען געווען דורכאויס נויטיג און ווער רעט נאך אין אונזער צייט פון בלבול המוחות, און בפרט איצטער אין אמעריקא וואו עס געפינט זיך דער רוב מנין ורוב בנין פון אידען.
און השם יתברך זאל העלפען אז יעדער זאל בייטראגען זיין חלק אויף צו פארשטארקען בא אידען אמונת השם יתברך און לימוד התורה וקיום המצות, און נאך מער צווישען דער יוגענד וועלכע גייט איצטער אריין אין מלחמת החיים און הויבען אן דורכגיין די נסיונות וועלכע זיינען פארבונדען מיט דעם בעולים הזה והחומרי, והשי"ת יצליחם.
Kehot Publication Society · commercial
יובא מ: igros-index · Kehot Publication Society · commercial · העותק השמור ב־RebbeHub
הצעת תיקוןנשלח לבדיקה
דיווח על בעיהבלי חשבון
הטמעה באתר אחר
על הדף
פרטים
- חיבור
- אגרות קודש
- כרך
- חלק ח
- מזהה
- rh-a7f2k95t
עותקים
פעילות אחרונה
עוד לא הוצע כאן תיקון ולא דווחה בעיה.
מקורות
- sichos-kodesh-unit