עברית
Library

Letter 946

י"א אדר שני, ה'תיש"א ברוקלין

ב"ה, י"א אדר שני, ה'תיש"א ברוקלין

שלום וברכה!

איך בין געווען צופרידן צו באקומען א גוטן גרוס פון אייך דורך ידידנו הוו"ח אי"א נו"נ מו"מ באמונה עוסק בצרכי ציבור משכיל על דבר טוב וכו' וכו' מו"ה יעקב הכהן שי' כ"ץ, ווי אויך דעם טשעק אלס התחלה אויף אייער אונטערנעמונג צו אפדרוקן א ספר פון די ווערק פון כ"ק מו"ח אדמו"ר זצוקללה"ה נבג"מ זי"ע.

איך האף אז איר געדיינקט זיכער אונזער געשפרעך ווען איר זייט דא געווען, און אז אייער זון שי' לעגט תפילין טעגליך, ווי איך האב מיט אייך גערעדט, און וועט אנהאלטן דערמיט, וואס דאס וועט ברענגען ברכה והצלחה עם און אייך אין אלע ענינים.

אזוי ווי עס גייט צו פורים, וואס איז פארבונדן מיט שמחה בא אידן, וויל איך פארענדיקן מיט א געדאנק, וואס מיין שווער דער רבי כ"ק מו"ח אדמו"ר האט ערקלערט אין דער שיחה פון פורים תש"א, ווען עס האבן זיך אנגעהויבן די גזירות פון יענער צייט:

דער ענין פון פורים איז וואס ניט קוקנדיק אויף דער גזירה וואס המן הרשע האט געוועלט דורכפירן געגן די אידן דערפאר וואס זיי זיינען אידן, האבן זיך די אידן נאך פעסטער געהאלטן בא זייער אידישקייט און זיינען געווען שטאלץ דערמיט. דערפאר איז בטל געווארן די גזירה און עס איז געווארן ונהפוך הוא, פון טרויער אויף שמחה. אזוי אין אלע צייטן, ווען מיר אידן וועלן [זיין] שטאלץ דערמיט וואס מיר זיינען אידן און האלטן זיך פעסט בא אידישקייט, ניט קוקנדיק אויף די שטערונגען וואס דאס ברענגט, וועלן מיר באפרייט ווערן פון אלע המן'ס, סיי די המן'ס אין גשמיות אין סיי די המן'ס אין רוחניות, און עס וועט זיין ליהודים אורה ושמחה וששון ויקר.

בברכת שמחת פורים און א גערוס אייער זון שי'.

Imported from igros-index · Kehot Publication Society · commercial · the copy kept on ChassidusHub

Suggest a fixSent for review
The change shows once the set's keepers approve it. Every version is kept in the history.
Report a problemNo account needed
What is wrong?
What is wrong?
Reports are public on the site (without your name), except those about rights or offensive content. Leave out personal details. Or open a full issue, with a title and @mentions
Embed on another site
About this page

Details

Volume
Volume 4
Id
rh-2wqe8k3g

Copies

Igros Kodesh app · Hebrew · Kehot Publication SocietyText

Recent activity

No fix suggested or problem reported here yet.

Sources

  • sichos-kodesh-unit946