אגרת תתקסז
ד' ניסן, ה'תשי"א ברוקלין · פיטסבורג, ה' עליהם יחיו
דורך ידידי הרה"ג והרה"ח וו"ח אי"א נו"נ וכו' מוהר"ר שלום שי' פויזנער, אייער ראש הישיבה, האב איך ערהאלטן אייער ביישטייערונג צו "מעות חטים".
עס פרייט מיר צו זען, אז איר פארגעסט ניט אייערע ארימע ברידער דא אין לאנד און מעבר לים, און באמיט זיך צו העלפן זיי לויט אייערע מעגליכקייטן.
זיכער ווייסט איר, אז ביי דער התחלה פון סדר פארנעמען די קינדער דעם אויבן-אן מיט "מה נשתנה", און אז די הגדה רעדט וועגן פיר-ערליי קינדער, אחד חכם, כו'. איז קינדער וועלכע לערנען, בכלל, זיינען זיי דאך ניט שיך צום סוג "שאינו יודע לשאול" אדער "תם", אבער כדי צו געהערן צום סוג פון אחד חכם, דארף מען לערנען תורה מיט פרומקייט און זיין פרום. אבער אזוי ווי אין חכמה איז ניטא קיין שיעור, ווינש איך אייך אז איר זאלט כסדר שטייגן אין לערנען, אז מ'זאל פון אייך האבן פיל נחת.
ביטע גיט איבער אייערע עלטערן מיין וואונש פאר א כשרן און פרייליכן פסח, און דאס גלייכן אייך אלעמען.
יובא מ: igros-index · Kehot Publication Society · commercial · העותק השמור ב־RebbeHub
הצעת תיקוןנשלח לבדיקה
דיווח על בעיהבלי חשבון
הטמעה באתר אחר
על הדף
פרטים
- חיבור
- אגרות קודש
- כרך
- חלק ד
- מזהה
- rh-8rtan2vd
עותקים
פעילות אחרונה
עוד לא הוצע כאן תיקון ולא דווחה בעיה.
מקורות
- sichos-kodesh-unit