אגרות קודש
אגרת ג'קלז
...עס איז באוואוסט דער מאמר רז"ל אויף חנוכה, אז דער יום טוב איז פארבונדען מיט העלדישע אידישע פרויען, און זייער אויפפירונג אין יענער תקופה, ניט קוקענדיג אויף אלע שוועריגקייטען און די פערשידענע גזירות וועלכע זיי האבען געדארפט בייקומען. און דעריבער זאגען די חז"ל, אף הן היו באותו הנס, און נאך מער - אז דורך זיי איז געווען דער נס. און עס איז דאך באוואוסט, אז יעדער יאר ווידערהאלט זיך יענע תקופה אין דעם זין, אז עס איז א עת רצון מיוחד צו שטארקען זיך און צוגעבען אין גוטער אויפפירונג, ענליכעס צו דער אויפפירונג פון אידישע פרויען אין יענער צייט - בימים ההם בזמן הזה. און לויטן מאמר רז"ל - אז א מענטש רייניגט זיך און הייליגט זיך אונטען, גיט מען עם אין דעם נאך מער מעגליכקייטן פון אויבען. און לויטן אויסדרוק פון מיין שווער, כ"ק אדמו"ר זצוקללה"ה נבג"מ זי"ע: מען דארף זיך צוהערען וואס די ליכטעלעך - נרות חנוכה - דערצעהלען. און השם יתברך זאל אייך מצליח זיין צו הערען און דערהערען, און בריינגען דאס אין טהאט-זאכען אין דעם טאג טעגליכען לעבן.
יובא מ: igros-index · Kehot Publication Society · commercial · העותק השמור ב־RebbeHub
הצעת תיקוןנשלח לבדיקה
דיווח על בעיהבלי חשבון
הטמעה באתר אחר
על הדף
פרטים
- חיבור
- אגרות קודש
- כרך
- חלק י
- מזהה
- rh-3g573zh7
עותקים
פעילות אחרונה
עוד לא הוצע כאן תיקון ולא דווחה בעיה.
מקורות
- sichos-kodesh-unit