אגרות קודש
אגרת ט'תב
מר מנחם מענדל שי' ומרת אסתר רחל תחי'
אייער צדקה ביישטייערונג איז ערהאַלטן געוואָרן, און זיכער איז עס געגעבן געוואָרן בשמחה ובטוב לבב, וואָס דאָס פאַרגרעסערט נאָך די מצוה.
עס איז זיכער איבעריג צו אונטערשרייכן די גרויסקייט פון צדקה בכלל, און בפרט אַ צדקה וואָס איז פאַרבונדן מיט גמילות חסדים און טיילווייז אויך מיט חינוך בנות ישראל וואָס מיט דער צייט וועט יעדע איינע פון די תלמידות זיין די עקרת-הבית פון אַ אידישע היים און אַ אידישע משפחה, און טיילווייז אויך מיט מבצע תפילין וואָס, ווי די גמרא דערציילט, ווען אַ איד טוט אָן תפילין "שפּיגלט" עס זיך אָפּ אין די תפילין פון הקדוש ברוך הוא, וואו די פרשיות ריידן בשבחן של ישראל און דערמיט ווערט אַראָפּגעבראַכט ספּעציעלע ברכות און סגולות פאַר אידן.
דער אויבערשטער זאָל אייך באַגליקן איר זאָלט אויך ווייטער קענען טאָן אין עניני תורה ומצוות בכלל, און אין צדקה בפרט, לאורך ימים ושנים טובות בשמחה ובבריאות.
בברכה בכל המצטרך בגשמיות וברוחניות.
Kehot Publication Society · commercial
יובא מ: igros-index · Kehot Publication Society · commercial · העותק השמור ב־RebbeHub
הצעת תיקוןנשלח לבדיקה
דיווח על בעיהבלי חשבון
הטמעה באתר אחר
על הדף
פרטים
- חיבור
- אגרות קודש
- כרך
- חלק כה
- מזהה
- rh-hgx61qn8
עותקים
פעילות אחרונה
עוד לא הוצע כאן תיקון ולא דווחה בעיה.
מקורות
- sichos-kodesh-unit