אגרת ט'תט

ב"ה, י"ב כסלו, ה'תשכ"ח

ברוקלין, נ.י.

הוו"ח אי"א נו"נ מו"ה אברהם גד שי'

איך באַשטעטיג די ערהאַלטונג פון אייער בריוו פון כ"ג חשון, ווי אויך די פריערדיגע קאָרעספּאָנדענץ. איך דאַנק אייך הערצלעך פאַר איבערגעבן די גריסן אין ארצנו הקדושה און פאַר מיטטיילן מיר וועגן דעם.

אַזוי ווי מיר געפינען זיך אין די סגולה-טעג צווישן י' און י"ט כסלו, וואס זיכער זייט איר באַקאַנט מיט די באַדייטונג פון די געשענישן אין יענע היסטאָרישע טעג, זאָל דער אויבערשטער העלפן מ'זאָל קענען אָנזאָגן גוטע בשורות אין אַלע ענינים וועגן וועלכע איר שרייבט, בפרט דעם ענין וואָס איר דערמאָנט צום שלוס פון אייער בריוו, און אַז פון טאָג צו טאָג זאָלן געשטאַרקט ווערן אַלע ענינים פון ליכט און ליכטיקייט, וואָס דאָס איז דאָך דער אינהאַלט פון די טעג פון חנוכה צום אָפּשלוס פון דעם חודש.

מיט גרוס און גוטע וואונשן.

Kehot Publication Society · commercial