אגרת ו'תרעו
ט' שבט, תשי"ט · ברוקלין.
במענה למכתבו מיום א' עם הפ"נ שיקרא בעת רצון על הציון הק' של כ"ק מו"ח אדמו"ר זצוקללה"ה נבג"מ זי"ע.
בו כותב ע"ד מצב בריאותו, ומחשבות וכו'.
ומובן, אז עס [איז] מיר א גרויסער וואונדער אויף דעם, ווארום עס איז דאך ידוע ומפורסם, און בא חסידים בפרט, די עצה טובה און אנזאג פון רבותינו נשיאינו, טראכט גוט וועט זיין גוט, און ווי באוואוסט פון די פילע סיפורים, אז דאס איז נתקיים געווארען בפועל, און בפרט אז די השגחה עליונה האט אייך געבראכט אין כפר חב"ד, מיסודו ובהנהלתו של כ"ק מו"ח אדמו"ר נשיא ישראל, וואס דארטן איז במיוחד התעוררות ר"ר שלו על כל תושבי הכפר חב"ד, הם וכל אשר להם, איז דאך דאס אויבען געזאגטע ריכטיג כמה פעמים ככה, ואין להאריך בדבר הפשוט, און איך ערווארט צו הערען גוטע בשורות פון אייך אין דעם, און אויך אז איר ווירקט איין אויף די אנדערע תושבי הכפר חב"ד, צו שטארקען זייער געמיט, אויף צו-צוגעבען אין צנורות וכלים, אויף אויפנעמען די ברכה והצלחה גדולה וועלכע מ'איז משפיע מלמעלה למטה, ויהי רצון שתכה"י יבשר טוב בטוב הנראה והנגלה.
Kehot Publication Society · commercial
יובא מ: igros-index · Kehot Publication Society · commercial · העותק השמור ב־RebbeHub
הצעת תיקוןנשלח לבדיקה
דיווח על בעיהבלי חשבון
הטמעה באתר אחר
על הדף
פרטים
- חיבור
- אגרות קודש
- כרך
- חלק יח
- מזהה
- rh-a1mb5tc4
עותקים
פעילות אחרונה
עוד לא הוצע כאן תיקון ולא דווחה בעיה.
מקורות
- sichos-kodesh-unit